الادارة العليا الادارة العليا
عدد الرسائل : 324 تاريخ التسجيل : 18/03/2008
| موضوع: اشنكحك و امنكحك ... ياربى يسوع السبت أبريل 18, 2009 2:17 am | |
| كانت فى ست غلبانة قوىمبتعرفش الكتابة والقراية
راحت لابونا وشكت لية حالتها وانها مش بتقراء فى الانجيل ولابتصلى
فحاول ابونا انة يساعدهافقلها هديكىكل اسبوع جملة تحفظيها ,,,, وتقولها طول الاسبوع
والاسبوع اللى وراءة تسمعيها وتاخدى اية جديدة ,,,, قالت لية ماشى
قلها ( اسبحك وامجدك ياربى يسوع المسيح )
روحت الست الغلبانة البيت وانها تفتكر الجملة اللى قالها ابونا ما افتكرتش غير
( اشنكحك وامنكحك ياربى يسوع )
فضلت طول الاسبوع تقول الجملة دى وهى فرحانة وسعيدة ,, لغاية ما جة ميعاد الجملة الجديدة سمعت الجملة اللى حفظتها لابونا اللى اول ما سمعها انفجر فيها مدام مش بتعرفوا تتكلموا مع ربنا بتتكلموا لية
لدرجة انه حرمها من التناول ,,, والست الغلبانة مش فاهمة هى عملت اية يزعل ابونا كدة راحت اخر الكنيسة ومن كتر العياط نامت ,,, الصبح لقيت القداس هيبتدى
قالت احضرة وابونا طيب اكيد يرضى يناولنى المهم ابونا ناولها ,,, واداها لقمة قربانة بركة وهى خارجة راحت لابونا علشان تشكرة انة سامحها
قالها ناولتك ازاى ,,, !!!!! انا لسة معملتش القداس فقالت لة ازاى انتى لسة مدينى القربانة دى ,, مسك ابونا القربانة لقيها لسة سخنة فهم ابونا انها حضرت القداس مع الاباء السواح فقلها روحى يا بنتى
( شنكحية ومنكحية ) براحتك !!!
مش مهم انك تكون فى المقدمة ,, اوعندك مميزات كتيرة او صوت حلو فى الاحان او حافظ كلام الكتاب المقدس غيبا
المهم ان قلبك يبقى مع ربنا كلة حب وبساطة وايمان
ربنا بيبص لقلب الانسان وبساطتة حتى
لو امكانياتك ,, بسيطة ,,, ربنا بيقدرها على حسب تعب كل واحد ومحبتة
** ( كونوا بسطاء كالحمام )
فى ايمانكم ,,, فى محبتكم ,,, فى تعاملاتكم مع الاخرين ,,
صلوا من اجلى | |
|